المجلة
أحدث الصور
تسجيل دخول الاعضاء
اثناء تصفحى فى احد المواقع لقتهم بيعرضوا
مشكله خطيره هى موجوده
فى بلاد كتير وللاسف بلدنا واحده من البلاد دى
قلت لازم اانقلهااجيبهالك هنا عشان انتم كمان عشان تشوفوها
وتقولوا رأيكم...........
وحده الصمت كان صاحب الكلمة العليا في شقة مدام سناء، قبل أن يبدده صوت المؤذن معلنا عن وجوب صلاة العصر، في اللحظة ذاتها اندفع باب غرفة مدام سناء كاشفا عن رجل ضخم الجثة وآثار النوم لاتزال بعدُ ظاهرة بشكل جلي في عينيه، مرتدياً بزة لم يكمل بعد ربط رباط العنق الخاص بها، ومتجها في هرولة واضحة نحو الباب مغادرا، إلى أن ظهرت مدام سناء خلفه تطارد فلول خطاه كي تقتاده إلى الخارج مودّعة إياه على أمل زيارة قريبة قبل أن تستدير لتجد ابنتها أميرة (10 سنوات) وابنها باسم (7 سنوات) واقفين خلف باب غرفتهما وعنقاهما تتدلى للخارج في متابعة للمشهد في ذهول، وما إن لمحا أمهما وقد كشفت سترهما حتى احتميا على الفور بالغرفة وأغلقا الباب بسرعة مدهشة، وقالت أميرة وظهرها مستريح على الباب وأنفاسها فيها شيء من التهدج:
أميرة: تفتكر ماما اتجوزت؟!
باسم: ماما اتجوزت بابا.. وبابا فوق عند ربنا.
أميرة: اسكت إنت يا باسم، إنت أصلك صغير.. ما تعرفش إن ماما ممكن تتجوز واحد تاني غير بابا.
باسم: مستحيل ماما تتجوز واحد غير بابا.. دي كانت بتحبه أوي.
أميرة: بس تصدق عندك حق، مش ممكن عمو ده يكون جوزها، إحنا ما بنشوفهوش غير كل اثنين وأربعاء وبيقعد 3 ساعات ويمشي، بس طالما مش جوزها ومش قريبنا يبقى بيعمل إيه هنا؟!!
حاولت مدام سناء تجاهل ولديها اللذين كانا يتجسسان على هذا المشهد الأسبوعي المتكرر، وتوجهت دون أن تلقي لهما بالا إلى والدتها المعتصمة في غرفتها رافضة الخروج...
سناء: وبعدها لك يا ماما؟ هتفضلي كده حابسة نفسك كل ما أشرف ييجي هنا.
الوالدة: آه.. وهافضل على كده لحد ما أموت.. طالما إنتي بتعملي اللي في دماغك، وما بتسمعيش كلام الكبير.
سناء: يا ماما فيها إيه بس لما أتجوز، ولّا أنا يعني عشان جوزي مات يبقى اندفن بالحيا؟!
الوالدة: بِعِد الشر عليكي يا ضنايا.. لا.. حقك طبعا تتجوزي.. بس بالأصول.
سناء: وهو أنا مش متجوزة أشرف بالأصول زي أي واحدة ما بتتجوز؟
الوالدة: لا يا بنتي ما علّموناش زمان إن واحدة تتجوز ويفضل جوزها في بيته مع الهانم مراته وإنتي قاعدة في بيتك مع ولادك، ولا يصرف عليكي ولا له دعوة بيكي غير الساعتين اللي بيجيهم مرتين في الأسبوع.
سناء: إنتي نسيتي يا ماما إن إنتي اللي كنتي بتقوليلي زمان: "ضل راجل ولا ضل حيطة".
الوالدة: لا يا بنتي.. بالمنظر اللي أنا شايفاه ده يبقى ضل الحيطة أحسن، على الأقل الحيطة بتفضل مضللة عليكي اليوم كله، مش ساعتين بس.
_ _ _ _ _ _ _ _ _ _ _ _ _ _ _ _ _ _ _ _
أميرة: تفتكر ماما اتجوزت؟!
باسم: ماما اتجوزت بابا.. وبابا فوق عند ربنا.
أميرة: اسكت إنت يا باسم، إنت أصلك صغير.. ما تعرفش إن ماما ممكن تتجوز واحد تاني غير بابا.
باسم: مستحيل ماما تتجوز واحد غير بابا.. دي كانت بتحبه أوي.
أميرة: بس تصدق عندك حق، مش ممكن عمو ده يكون جوزها، إحنا ما بنشوفهوش غير كل اثنين وأربعاء وبيقعد 3 ساعات ويمشي، بس طالما مش جوزها ومش قريبنا يبقى بيعمل إيه هنا؟!!
حاولت مدام سناء تجاهل ولديها اللذين كانا يتجسسان على هذا المشهد الأسبوعي المتكرر، وتوجهت دون أن تلقي لهما بالا إلى والدتها المعتصمة في غرفتها رافضة الخروج...
سناء: وبعدها لك يا ماما؟ هتفضلي كده حابسة نفسك كل ما أشرف ييجي هنا.
الوالدة: آه.. وهافضل على كده لحد ما أموت.. طالما إنتي بتعملي اللي في دماغك، وما بتسمعيش كلام الكبير.
سناء: يا ماما فيها إيه بس لما أتجوز، ولّا أنا يعني عشان جوزي مات يبقى اندفن بالحيا؟!
الوالدة: بِعِد الشر عليكي يا ضنايا.. لا.. حقك طبعا تتجوزي.. بس بالأصول.
سناء: وهو أنا مش متجوزة أشرف بالأصول زي أي واحدة ما بتتجوز؟
الوالدة: لا يا بنتي ما علّموناش زمان إن واحدة تتجوز ويفضل جوزها في بيته مع الهانم مراته وإنتي قاعدة في بيتك مع ولادك، ولا يصرف عليكي ولا له دعوة بيكي غير الساعتين اللي بيجيهم مرتين في الأسبوع.
سناء: إنتي نسيتي يا ماما إن إنتي اللي كنتي بتقوليلي زمان: "ضل راجل ولا ضل حيطة".
الوالدة: لا يا بنتي.. بالمنظر اللي أنا شايفاه ده يبقى ضل الحيطة أحسن، على الأقل الحيطة بتفضل مضللة عليكي اليوم كله، مش ساعتين بس.
_ _ _ _ _ _ _ _ _ _ _ _ _ _ _ _ _ _ _ _
إيه؟؟.. مش فاهم حاجة؟ مش قادر تحط إيدك على المشكلة؟ متلخبط ومش عارف تؤيد ولا تعارض، طيب.. رجّع رأسك لورا، وخد لك "شفطة" كابتشينو.. وريّح ظهرك على الفوتيه، واسمع يا سيدي.
إحنا بنتكلم على زواج المسيار؟
إيه؟.. مش عارف يعني إيه زواج المسيار؟ أقول لك أنا...
زواج المسيار ببساطة هو زواج عادي جدا.. مقطوع بصحته من قبل دار الإفتاء المصرية ووارد ذلك على موقعها الرسمي على الإنترنت فضلا عن مجمع البحوث الإسلامية في مصر وجدّة، وسمي بزواج مسيار؛ لأن الزوج لا يستقر في بيته مع زوجته بل يتركها ويسير إلى بيته الأصلي -حسبما عرّفه المفتي في مداخلته التليفونية في برنامج 90 دقيقة- ومثله مثل أي زواج فيه شهود ورضا وقبول من الطرفين وولي للعروس، بس بتتنازل فيه الزوجة عن حقها في أن زوجها يبيت معاها أو إنه يوفر لها سكناً من الأساس، وساعات كمان بتتنازل عن حقها في النفقة والمهر وكل ده بيكون موثّق ومكتوب في العقد.
وعلى الرغم من إن فتوى إباحة زواج المسيار صادرة منذ عام 2007 الماضي إلا أن القضية لم تثر بشكل واضح إلا الآن مع اقتراب دخول صيف 2009.. هتسألني وتقول لي اشمعنى الصيف؟.. هاقول لك هي دي أساس المشكلة.. أقول لك إزاي..
ليس هذا هو كل ما يثير قلق الرافضين لهذه الفتوى، بل فكرة أن تتحول المرأة إلى ماكينة لإشباع غرائز الرجل على حساب حقوقها من نفقة وسكن فيه امتهان واضح لها ولحقوقها، وأنها فتوى صدرت من أجل إيجاد حل لمشكلة الرجل دون أن تلقي بالا بالزوجة التي تتحمل العبء كله وحدها..
إيه؟ بتقول إيه؟ إيه هو العبء اللي بتتحمله المرأة؟ أقول لك أنا...
أولا: صورتها أمام الجيران الذين يشاهدون رجلا غريبا يتردد عليها يومين أو أكثر في الأسبوع، وحتى لو حاولت إقناعهم بأن زواجا مقدسا يجمع بينهما فلن يقتنعوا طالما أنه ليس مستقرا لديها، ثانيا: صورتها أمام أولادها (إن كان لها أولاد) وهم يشاهدون رجلا لا يعرفونه يتردد على والدتهم ويختلي بها لفترة معينة ثم يرحل ولا يسمعون منه أو عنه حتى يأتي في الزيارة التالية.
أتخيل الآن أحد قراء أول كلمة يسأل عن نُص الكوباية... أيّ كوباية؟ آااااه نص الكوباية المليان.. خد عندك يا سيدي النص المليان: من الآخر كده زواج مسيار ولّا زنا؟ إيه؟ بتقول إيه؟ بلاش أكبّر الموضوع أوي؟... دا مش كلامي يا سيدي.. دا كلام المفتي اللي شايف إن الزنا هيكون هو الطريق الوحيد أمام الأرملة اللي فقدت الأمل في الزواج أو تلك الفتاة التي انتظرت أكثر من عِقْد ونصف كي تتزوج ولم تنجح، والشاب الذي يصطدم بطلبات خرافية من أجل الزواج فيتراجع عن الفكرة.
والبعض يرى في هذه الفتوى حلا لمشاكل 9 مليون فتاة لم تعرف طريقها لعش الزوجية بعد في مصر يمكنهن من خلال هذه الفتوى تخطي حواجز الشقة والمهر والشبكة بحيث تحصل بعد طول انتظار على لقب متزوجة، وبالتالي فأفضل لها أن تتخلى عن بعض حقوقها (التي يراها البعض رفاهيات تافهة وسببا أساسيا في ارتفاع نسبة العنوسة) في مقابل حلم الزواج.
ليس العوانس وحدهن هن من سيستفدن من هذه الفتوى بل الأرامل أيضا اللائي يجدن صعوبة بالغة في الزواج من جديد خاصة إذا كان لديهن أطفال فما المانع أن تتزوج بهذه الشروط في مقابل أن تعف نفسها وتمنع نفسها من الفتنة طالما أنها مقتدرة ولديها القدرة على التكفل بنفسها وأولادها ماديا.
أديني أهو ورّيتك الكوباية كلها بنصها الفاضي (المعارضون لزواج المسيار) وبنصها المليان (الموافقون على الزواج).. شوف إنت أو إنتي تحب تشرب من أي نص... وقبل ما تشرب.. افتكر كويس إننا هنا مش بنناقش الجوانب الشرعية الخاصة بهذه الفتوى؛ لأن ده مش تخصصنا ولا إحنا مؤهلين لهذه المهمة كما هو حال دار الإفتاء..
إحنا بنناقش الجوانب الاجتماعية والإنسانية اللي تهمك وتهمني وتهمها وتهمهم ونقدر نتفق فيها ونختلف وناخد وندّي...
هل توافقين على أن تتزوجي زواج مسيار سواء كنتِ غير متزوجة أو أرملة أو مطلقة؟
هل توافقين على أن تستخلصي من الزواج الحاجة الغريزية وتستغني عن باقي أركانه من سَكَن ومودة ورحمة؟
هل تقبلين بأن تكوني زوجة لمدة 4 أو 5 ساعات فقط في الأسبوع أو حتى نُص يوم؟
وأنت.. هل تقبل أن تتزوج امرأة وكل منكما في بيته؟
وإذا كنت والد فتاة تأخر قطار زواجها.. هل ستمانع إتمام زواج مثل زواج المسيار أم ستوافق تحت ضغط تأخر سن الزواج؟!!
هااااا قلتم إيه بقى؟؟؟؟؟؟؟؟
__________________
» مدينة رسول الله وفضائلها
» مايحتاجه جسم المؤمن من طعام
» كيف أجعل زوجي يطيعني ,,,طريقة ناجحة
» خواطر حزينة
» الاخوه فى الله عز وجل
» طريقة للزواج العاجل والسريع للبنت
» سلسله افلام على الكسار DSRip
» فضل يوم عرفه
» الاخوه فى الله عز وجل
» الاخوه فى الله عز وجل
» حياة القرآن اجمل حياه
» تلبيا لرغبات الاعضاء فيلم" البحث عن نيمو" مدبلج بالعربية
» طلب طلب طلب طلب
» سندريلا الجزء الاول مدبلج بالعربية
» اكواد كول تون البوم اليسا الجديد {تصدق بمين}
» معلومات غريبة ومفيدة
» فوائد بيض الارانب!!!
» عضو جديد أود التعارف
» الشيخ محمد العريفي :أيقظ غيرك .معلومات رائعة
» وصفه لتخسيس البطن
» بجد مفيش حاجة فى الدنيا نزعل عليها
» هل تعلم ان ...
» هل تعلم ان الرعد***
» قالوا عن المراة
» معلومات عن التمر صدمتنى
» خواطر كن كما انت
» اربعون حديثا قدسيا واربعون حديثا من الاذكار
» انا والحزن
» هل انت فى نعمة