جدولك اثناء شهر رمضان

كل سنة وانتم طيبين جميعا بمناسبة قرب الشهر الكريم جعله الله لى ولكم مغفرة وعتق من النيران
خلص شهر رجب

وبكرة ان شاء الله يبدأشهر شعبان

وبعده ياتى افضل الشهور

شهر رمضان المبارك

اللهم بارك لنا فى شعبان وبلغنا رمضان

كلنا عارفين الخير والبركة فى هذا الشهر قد ايه

كفاية ان الحسنة فيه بعشر امثالها ويضاعف الله لمن يشاء


ياترى فكرنا ازاى نستعد لاستقبال هذا الشهر الفضيل؟؟؟؟؟

لا اقصد مالذ وطاب من المأكولات والحلويات ولكن اقصد العبادات والطاعات وجنى كل مانقدر عليه من الحسنات

من غير رغى ومقدمات كتير

ماتيجوا نتفق مع بعض وننوى مع نفسنا على النقاط الاتية

1-نصوم بعض ايام من شعبان وليكن اتنين وخميس

والايام البيض 13-14-15

2-المحافظة على اداء الصلوات الخمسة فى وقتها مع

الضحى وقيام الليل

3-المحافظة على قراءة ورد يومى من كتاب الله

وختمه على الاقل مرة قبل رمضان

4-ياريت كل اللى بتتابع المسلسلات والافلام والاغانى

تحاول تشفر القنوات دى وتتفرغ فى الوقت ده للعبادة وقراءة القران وياريت تجرب تتابع القنوات الدينية بدال القنوات

التانية
والله وعن تجربة

هتخرجى من رمضان وكانك اتولدتى من جديد

لو اتعودتى على القنوات الدينية هتحتقرى

الوقت اللى كنتى بتضيعيه فى فيلم اهبل او مسلسل تافه

وصعب جدا انك تعرفى تفرطى فى النعمة العظيمة دى وعلى راسها قناه الرحمة والناس والحكمة والمجد والحافظ

وتبدليها بقنوات المعاصى

يارب مااكونش طولت عليكم

وياريت اللى تنفذ فكرتى دى

وتلاقى نتيجة كويسة تدعيلى وتدخل تفرحنى

وكل عام وانتم بخير